సమోసా దౌత్యం: మోదీ కోసం వంట చేసిన ప్రధాని

సాధారణంగా దేశ ప్రధానుల మధ్య సంభాషణ అంటే ఏ ద్వైపాక్షిక సంబంధాల గురించో లేక అభివృద్ధి పథకాల గురించో ఉంటుంది. లేదా కరోనా కాలం కనుక వైరస్​పై పోరాడాల్సిన వ్యూహాల గురంచి చర్చించుకుంటారు. కానీ ఆస్ట్రేలియా, భారత ప్రధానుల మధ్య జరిగిన సంభాషణ మాత్రం ఇందుకు భిన్నం. మరి వీరి మధ్య జరిగిన 'సమోసా దౌత్యం' విశేషాలు మీ కోసం..

జూన్​ 4న ఆస్ట్రేలియా, భారత ప్రధానుల మధ్య వీడియో సమావేశం జరగనుంది. ఆ సమావేశానికి ముందు ఇద్దరు ప్రధానుల మధ్య ట్విట్టర్​లో ఆసక్తికర చర్చ జరిగింది. ఆస్ట్రేలియా ప్రధాని స్కాట్​ మారిసన్​... మోదీ కోసం ఏకంగా సమోసాలు చేశారు. వాటితో కలిపి తినేందుకు మామిడి పచ్చడీ సిద్ధం చేశారు. ఆ వంటకాలతో దిగిన చిత్రాన్ని సామాజిక మాధ్యమాల్లో పంచుకున్నారు మారిసన్.

ఆస్ట్రేలియా ప్రధాని స్కాట్​ మోరిసన్​ ట్వీట్​

'భారత ప్రధాని ప్రజాదారణ కలిగిన గొప్ప నాయకుడు. ఆయన శాకాహారి. ఆయనతో కలసి నోరూరించే సమోసాలను ఆస్వాదించాలి అనుకున్నాను. కానీ మా సమావేశం వీడియో లింక్​ ద్వారా జరుగుతుంది.'

- స్కాట్​ మారిసన్, ఆస్ట్రేలియా ప్రధాని​

మారిసన్​ ట్వీట్​కు ఆసక్తికరంగా బదులిచ్చారు ప్రధాని నరేంద్ర మోదీ.

భారత ప్రధాని నరేంద్ర మోదీ రిట్వీట్​

'హిందు మహా సముద్రంతో అనుసంధానమైన భారత్​, ఆస్ట్రేలియా దేశాలు.. భారతీయ సమోసాలతో ఒక్కటయ్యాయి. కొవిడ్​-19 పై విజయం సాధించాక తప్పకుండా మీతో కలసి వీటిని తింటాను.'

- నరేంద్ర మోదీ, భారత ప్రధాని

ఇదీ చదవండి: పొగ రాయుళ్లలో 4 కోట్ల మంది 15 ఏళ్ల లోపువారే!